ХРАМ ТРОИЦЫ ЖИВОНАЧАЛЬНОЙ в РЯЗАНЦАХ
Божественная Литургия в 9.00 в воскресные и праздничные дни! Главная Новости Расписание Поминовения

СВЯТОЙ АРХАНГЕЛ ГАВРИИЛ

Из Священного Писания известны имена Архангелов. У каждого из них особое служение.

Архангел Гавриил – благовестник таин Божиих. Имя Гавриил в переводе с еврейского языка означает: муж Божий, крепость Божия, сила Божия. Архангел Гавриил один из семи Архангелов, посылаемых Богом для возвещения людям великих дел Божиих.

Он объяснил пророку Даниилу пророчественные видения о царях и царствах (дан. 8), о времени пришествия Спасителя. . . «когда я еще продолжал молитву, муж Гавриил, которого я видел прежде в видении, быстро прилетев, коснулся меня около времени вечерней жертвы и вразумлял меня, говорил со мною и сказал: «Даниил! теперь я исшел, чтобы научить тебя разумению. В начале моления твоего вышло слово, и я пришел возвестить его тебе, ибо ты муж желаний: итак вникни в слово и уразумей видение. Семьдесят седмин определены для народа твоего и святаго города твоего, чтобы покрыто было преступление, запечатаны были грехи и заглажены беззакония, и чтобы приведена была правда вечная, и запечатаны были видение и пророк, и помазан был Святый святых. Итак знай и разумей: с того времени, как выйдет повеление о восстановлении Иерусалима, до Христа Владыки семь седмин и шестьдесят две седмины; и возвратится народ и обстроятся улицы и стены, но в трудные времена. И по истечении шестидесяти двух седмин предан будет смерти Христос, и не будет; а город и святялище разрушены будут народом вождя, который придет, и конец его будет как от наводнения, и до конца войны будут опустошения. И утвердит завет для многих одна седмина, а в половине седмины прекратится жертва и приношение, и на крыле святилища будет мерзость запустения, и окончательная предопределенная гибель постигнет опустошителя» (Дан. 9 , 21—27).

Архангел Гавриил и святого пророка Моисея наставлял в пустыне, при написании книги Бытия, передавая ему откровения Божии о первых родах и летах, начиная от создания мира.

Архангел Гавриил возвестил священнику Захарии о рождении Иоанна Предтечи от неплодной, престарелой его жены Елисаветы. . . «тогда явился ему Ангел Господень, стоя по правую сторону жертвенника кадильного. Захария, увидев его, смутился, и страх напал на него. Ангел же сказал ему: не бойся, Захария, ибо услышана молитва твоя, и жена твоя Елисавета родит тебе сына, и наречешь ему имя: Иоанн; и будет тебе радость и веселие, и многие о рождении его возрадуются, ибо он будет велик пред Господом; не будет пить вина и сикера, и Духа Святаго исполнится еще от чрева матери своей; и многих из сынов Израилевых обратит к Господу Богу их; и предъидет пред Ним в духе и силе Илии, чтобы возвратить сердца отцов детям, и непокоривым образ мыслей праведников, дабы представить Господу народ приготовленный. И сказал Захария Ангелу: почему я узнаю это? ибо я стар, и жена моя в летах преклонных. Ангел сказал ему в ответ: я Гавриил, предстоящий пред Богом, и послан говорить с тобою и благовестить тебе сие».

Также Архангел Гавриил явился праведной Анне и Иоакиму, постившемуся в пустыне, и возвестил каждому из них, что они будут иметь дочь, от века избранною Материю Мессии, грядущего для спасения рода человеческого.

Этот же предстатель Божий, будучи послан Богом в Назарет, явился Пресвятой Деве, обрученной праведному Иосифу, и возвестил Ей зачатие Сына Божия осенением и действием в Ней Духа Святаго. . . «В шестой же месяц послан был Ангел Гавриил от Бога в город Галилейский, называемый Назарет, к Деве, обрученной мужу, именем Иосифу, из дома Давидова; имя же Деве: Мария. Ангел, войдя к Ней, сказал: радуйся, Благодатная! Господь с Тобою; благословенна Ты между женами. Она же, увидев его, смутилась от слов его и размышляла, что бы это было за приветствие. И сказал Ей Ангел: не бойся, Мария, ибо Ты обрела благодать у Бога; и вот, зачнешь во чреве, и родишь Сына, и наречешь Ему имя: Иисус. Он будет велик и наречется Сыном Всевышнего, и даст Ему Господь Бог престол Давида, отца Его; и будет царствовать над домом Иакова во веки, и Царству Его не будет конца. Мария же сказала Ангелу: как будет это, когда Я мужа не знаю? Ангел сказал Ей в ответ: дух Святый найдет на Тебя, и сила Всевышнего осенит Тебя, посему и рождаемое Святое наречется Сыном Божиим» (Лк. 1, 26—35).

Архангел Гавриил явился во сне и Иосифу Обручнику объяснивши ему, что Отроковица осталась невинной, ибо Зачатое в Ней от Духа Святаго... «Рождество Иисуса Христа было так: по обручении Матери Его Марии с Иосифом, прежде нежели сочетались они, оказалось, что Она имеет во чреве от Духа Святаго. Иосиф же муж Ее, будучи праведен и не желая огласить Ее, хотел тайно отпустить Ее. Но когда он помыслил это – се, Ангел Господень явился ему во сне и сказал: Иосиф, сын Давидов! не бойся принять Марию, жену твою, ибо родившееся в Ней есть от Духа Святаго; родит же Сына, и наречешь Ему имя Иисус, ибо Он спасет людей Своих от грехов их» (Мф. 1 , 18—2 1).

А когда Господь наш родился в Вифлееме, Архангел Гавриил явился пастырям, стерегущим ночью свои стада и сказал: «не бойтесь; я возвещаю вам великую радость, которая будет всем людям: ибо ныне родился вам в городе Давидовом Спаситель, Который есть Христос Господь; и вот вам знак: вы найдете Младенца в пеленах, лежащего в яслях» (Лк. 2, 8—12).

Архангел Гавриил предупредил Иосифа Обручника о замыслах Ирода и повелел бежать в Египет с Младенцем и Богородицею: «. . .се, Ангел Господень является во сне Иосифу и говорит: встань, возьми Младенца и Матерь Его и беги в Египет, и будь там, доколе не скажу тебе, ибо Ирод хочет искать Младенца, чтобы погубить Его. Он встал, взял Младенца и Матерь Его ночью и пошел в Египет» (Мф. 2, 13—14).

«По смерти же Ирода,— се, Ангел Господень во сне является Иосифу в Египте и говорит: встань, возьми Младенца и Матерь Его и иди в землю Израилеву, ибо умерли искавшие души Младенца. Он встал, взял Младенца и Матерь Его и пришел в землю Израилеву» (Мф. 2, 19—21).

Жены-мироносицы услышали от него радостную весть о Воскрешении Христовом.

По мнению Богомудрых мужей, Архангел Гавриил был послан для подкрепления Спасителя в Гефсиманском саду и для возвещения Богоматери Ее всечестного Успения.

Хвалебной песне Божией Матери «достойно есть» научил инока Афонского монастыря также Архангел Гавриил.

Посему Церковь именует Архангела Гавриила служителем чудес и таин Божиих, возвестителем радости и спасения, провозвестником и служителем Божественного всемогущества.

26 марта (8 апреля) празднование в честь Архангела Гавриила есть день Собора потому что христиане на другой день Благовещения собираются вместе славить священными песнями святого Архангела, как небесного вестника великой тайны воплощения Сына Божия. Святой Архангел Гавриил есть один из семи духов, «иже приносят молитвы святых и входят пред славу Святаго» (Тов. 12:15).

13 (26) июля – Собор святого Архангела Гавриила. Праздник этот существует с IХ века и служит воспоминанием всех вообще чудесных явлений Архангела Гавриила.

8 (21) ноября – Собор Архистратига Михаила и прочих Небесных Сил бесплотных. Архангелов: Гавриила, Рафаила, Уриила, Селафиила, Иегудиила, Варахиила и Иеремиила, где Архангел Гавриил прославляется со всем Собором Небесных Сил.

Святая Церковь изображает Архангела Гавриила с райскою ветвию в руке, которая была принесена им Богоматери, а иногда в правой руке с фонарем, внутри которого горит свеща, а в левой – с зерцалом из ясписа. С зерцалом изображают потому, что Архангел Гавриил есть вестник судеб Божиих о спасении рода человеческого. Со свещею в фонаре изображают потому, что судьбы Божии бывают сокрыты до времени исполнения их и, по самом исполнении, постигаются только теми, кто неуклонно смотрит в зерцало слова Божия и своей совести. Поэтому, носящим имя Гавриил прилична та «вера Божия, для коей,— по слову Самого Спасителя,— нет ничего невозможного».

Источник: Азбука Веры

МОЛИТВЫ АРХАНГЕЛУ ГАВРИИЛУ

Святый великий Архангеле Гаврииле! Божию Престолу предстояй и озарением от Божественнаго света осиянный, ведением же непостижимых Таин о превечней премудрости Его просвещенный! Всеусердно молю Тя, настави мя к покаянию от злых дел и ко утверждению в вере моей, укрепи и огради душу мою от искушений прельстительных, и умоли Создателя нашего о отпущении грехов моих.

О, Святый великий Гаврииле Архангеле! Не презри мене грешнаго, молящагося тебе о помощи и заступлении твоем в веце сем и в будущем, но присно помощник мне явися, да непрестанно славлю Отца и Сына и Святаго Духа державу и твое предстательство во веки веков. Аминь.

ТРОПАРЬ, ГЛАС 3

Небесных воинств Архистратиже, молим тя присно мы недостойнии, да твоими молитвами оградиши нас кровом крил невещественныя Твоея славы, сохраняя ны, припадающия прилежно и вопиющия: от бед избави ны, яко чиноначальник вышних сил.

КОНДАК, ГЛАС 2

Архистратиже Божий, служителю Божественныя славы, Ангелов начальниче и человеков наставниче, полезное нам проси и велию милость, яко безплотных Архистратиг.

АКАФИСТ СВЯТОМУ АРГАНГЕЛУ ГАВРИИЛУ

КОНДАК 1

Избранного Архангела, присно предстоятеля Престолу Вседержителя, Пресветлаго Архангела, любовию ко Господу пламенеющего таинника благодати, и радости благовестника, всечестнаго Гавриила Пречистыя Девы невестокрасителя, пением похвальным благочестно почтим, co благодарением ему зовуще: Радуйся, Архангеле Гаврииле, вечнаго спасения нашего благовестниче.

КОНДАК ДРУГИЙ

На небеси зря Божию славу, и на земли с высоты подая благодать, начальниче Ангелов, мудре Гаврииле, Божия славы служителю, и мира Божественный хранителю, спасай, соблюдай вопиющих Ти: Радуйся, Архангеле Гаврииле, вечнаго спасения нашего благовестниче.

ИКОС 1

Ангел безплотный естеством бысть, славы Присносущныя и вечныя премудрости в создании мира зритель явился еси,
Архангеле. Сего ради тебе вопием:
Радуйся, именем твоим силу Божию возвещаяй.
Радуйся, дивное красотою твоею неизреченную славу Божию являяй.
Радуйся, душе невещественный, свободный от уз телеснаго естества.
Радуйся, светлый уме, подобие невидимаго Божества.
Радуйся, Божественного разума вместилище.
Радуйся, неизреченных таин сокровище.
Радуйся, первосияннаго света чистейший луче.
Радуйся, пламенем Божественныя любви, горящая свеще.
Радуйся, Престола Божия предстателю.
Радуйся, славы Господней созерцателю.
Радуйся, Ангельскаго мира украшение.
Радуйся, нас земнородных утешение.
Радуйся, Архангеле Гаврииле, вечнаго спасения нашего благовестниче.

КОНДАК 2

Видяще тя, яко звезду лучезарную благоукрашеннаго небесе разумнаго, созданнаго прежде видимаго небесе и земли вопием с тобою, Архангеле, Творцу Богу: АЛЛИЛУИЯ.

ИКОС 2

Разум творческий созерцая в творении небесе и земли, и всего украшения их, благоговейно предстоял еси, Архангеле,
Престолу Создателя: егда же сотворены быша звезды, велиим гласом восхвалил еси Того со всеми небесными силами. Тем же и мы тебе вопием:
Радуйся, небо невещественное славу Божию поведающее.
Радуйся, светило духовное благость Творца возвещающее.
Радуйся, звездо прежде видимаго света воссиявшая.
Радуйся, пресветлое луно, обилие благодати, паче иных многих Ангел восприимшая.
Радуйся, зерцало Божественнаго откровения.
Радуйся, споспешнице духовнаго просвещения.
Радуйся, Первоангеле, нижних чинов ангельских, тайны Божия открываяй.
Радуйся, Света вторый, поющия ти верныя просвещаяй.
Радуйся, чистейшая пламенная к Богу любы.
Радуйся, немолчныя уста Того хвалы.
Радуйся, огнем благодати сердечныя нас согреваяй.
Радуйся, зной страстей тем отражаяй.
Радуйся, Архангеле Гаврииле, вечнаго спасения нашего благовестниче.

КОНДАК 3

Силе Божией тезоименит сый, споборник явился, Архангеле, пресветлаго небеснаго Воинства, Архистратигу Михаилу, противу падших мрачных духов. Пребыв же верен Господу Создателю с прочими безплотными чинами, взывал еси Тому Трисвятую песнь. Ему же и мы с тобою вопием: АЛЛИЛУИЯ.

ИКОС 3

Имея благодать неотъемлему ради верности Твоей Господу, во веки пребываеши утверждаем во благом изволении. Тем же в похвалу вопием тебе сице:
Радуйся, не изменивый Твоего благодатнаго стояния.
Радуйся, не оставивый блаженнаго горнего пребывания.
Радуйся, предстоятелю безплотных веления Божия исполняяй.
Радуйся, Тайны Божия и Мироздания предвозвещаяй.
Радуйся, предивным смирением украшенный.
Радуйся, Божиею благодатию навеки утвержденный.
Радуйся, огненною никогда не отпадающею любовию ко Господу пылаяй.
Радуйся, небеснаго хлеба Ангельскаго присно вкушаяй.
Радуйся, небесных учителю, хвалебных создателю песней.
Радуйся, вышних руководителю, возводяяй нас к славе небесней.
Радуйся, чиноначальниче немолчнаго Ангельскаго ликостояния.
Радуйся, увеселение и услаждение ищущим сего блаженнаго достояния.
Радуйся, Архангеле Гаврииле, вечнаго спасения нашего благовестниче.

КОНДАК 4

Бурю помышлений сумнительных, светом Божественныя благодати прогоняяй, приносиши свыше, Архангеле, мир в сердца наша. Тем же благодарно прославляюще благодеяния твоя, воспеваем Спасителю Богу песнь: АЛЛИЛУИЯ.

ИКОС 4

Слышаще Боговдохновенные сказания пророка Моисея, о начале миробытия, и повести о первых родех, учителя того благочестно разумеем тя Архангеле, яко повелением Божиим недоуведомые тайны тому открыл еси. Сего ради в похвалу тебе вопием:
Радуйся, светозарная звездо, облистоваемая от трисолнечнаго Божества.
Радуйся, славнаго изобилием благодати украшение созданнаго естества.
Радуйся, служебный душе на спасение человеком от Бога посылаемый.
Радуйся, Светильниче Божиих откровений, на земли являемый.
Радуйся, пламень огненный, плевелы лжи и суеверия попаляяй.
Радуйся, мечу духовный, терние неверия и безбожия словом истины посекаяй.
Радуйся, истиннаго разумения словесе Божия, небесный учителю.
Радуйся, величия тайны спасения предопределенный служителю.
Радуйся, таинниче под именем первозданнаго небесе, невидимый мир Ангельский прикровенно, через бытописание нам указуяй.
Радуйся, в творческом Слове Божием Всемогущее ипостасное Слово Божие нам показуяй.
Радуйся, в создании человека, и в нарочитых Божественных словесех, действиях и в ветхозаветных образах, тайну Пресвятыя Троицы нам являяй.
Радуйся, в Божиих обетованиях древним патриархом начало нашего спасения возвещаяй.
Радуйся, Архангеле Гаврииле, вечнаго спасения нашего благовестниче.

КОНДАК 5

Боготечная струя откровений Божественных явился еси. Архангеле, и в последнем пророческом роде, ясно назнаменуя Пророку Даниилу о последних временах царех и царствиях. О сем вопием дивному в судьбах Своих Царю царей Богу хвалебную песнь: АЛЛИЛУИЯ.

ИКОС 5

Видяще исполнение ясных пророчеств твоих, Архангеле, о будущем освобождении ветхозаветнаго Израиля от плена Вавилонскаго, и о явлении по сих в мире Христа Владыки. Мы, же, яко Богоизбранный Израиль благоговейно благодаряще Свободителя душ наших похвальную песнь тебе приносим:
Радуйся, Божественнаго света селение.
Радуйся, наших мыслей озарение.
Радуйся, будущих судеб Божиих яснозрителю.
Радуйся, испытующих свидения Господня тайноучителю.
Радуйся, вождем благочестивым на враги одоление подаваяй.
Радуйся, мудрым правителем Божественное откровение являяй.
Радуйся, конечное посрамление языческаго нечестия в гордости возвестивый.
Радуйся, муже желаний, духовных грядущих, освобождением Израиля возвеселивый.
Радуйся, возрождение Иерусалима, и воссоздания Святаго Храма предуказавый.
Радуйся, пришествие Христа Мессии ясно назнаменовавый.
Радуйся, седминами исчисливый время спасительныя смерти Христа.
Радуйся, откровением твоим ветхозаветному Богослужению конец наста.
Радуйся, Архангеле Гаврииле, вечнаго спасения нашего благовестниче.

КОНДАК 6

Проповедник Всемирный, радостныя вести о Спасителе был еси, Архангеле: егда бо приблизися седминами Святому Пророку Даниилу возвещенное время явления Христа Мессии, послан бысть еси, яко да неции благочестно сказуют, к сетующим о неполадстве своем родителям Богоматери, возвестити им о рождении благословенныя Дщере, предъизбранней от веков Матери Мессии Христа, хотящего прийти на избавление человечества, ему же с тобою вопием: АЛЛИЛУИЯ.

ИКОС 6

Воссия тобою, Архангеле, сетующим родителям Богоотроковицы утешение о скором разрешении неплодства их, рождением Преблагословенныя. Прием от них велие благодарение, приими и от нас сицевую похвалу:
Радуйся, светлое зерцало Божия благости.
Радуйся, небесный вестниче спасительныя радости.
Радуйся, Божественный вестниче, носителю вышняго мира и благословения.
Радуйся, скорый прогонителю душевнаго смущения.
Радуйся, блуждающим во тьме Боговедения внезапное озарение.
Радуйся, сидящим в смертной сени уныния благодатное оживление.
Радуйся, обрадователю смиренных и уничиженных.
Радуйся, утешителю презренных и отверженных.
Радуйся, смертоносныя печали мира сего прогонителю.
Радуйся, спасительныя по Бозе печали возбудителю.
Радуйся, от находящия скорби избавляяй.
Радуйся, уповающия на Господа возвеселяяй.
Радуйся, Архангеле Гаврииле, вечнаго спасения нашего благовестниче.

КОНДАК 7

Хотяще яснее озарити путь веры восходящему Солнцу Правды, Христу Спасителю, Господь посла тя, Архангеле, благовестити такожде и иерею Захарии о рождении от него Великаго Иоанна, Предтечи Спасова. О сем убо радующее вопием Богу: АЛЛИЛУИЯ.

ИКОС 7

Дивному пророческому словеси Твоему, о рождении Предтечи, неверие показавый, того родитель немотою связан бысть от тебе, Архангеле. Мы же исполнение пророчества видяще, похвалу тебе сице вопием:
Радуйся, звездо светозарная, разгоняющая мрак прошедшия ночи смертныя.
Радуйся, деннице, вещающая невечерний день благодати новыя.
Радуйся, зачало Евангелия иерею Захарии предвозвестивый.
Радуйся, прославляти Господа, разрешение языка после того научивый.
Радуйся, пути ко грядущему Спасителю Небесный уготовителю.
Радуйся, семена спасительныя веры на земли насадителю.
Радуйся, Божественнаго Всемогущества ревностный показателю.
Радуйся, всякаго сомнения в том строгий наказателю.
Радуйся, Церкве ветхозаветная невестоводителю.
Радуйся, грядущего Жениха-Христа благовестителю.
Радуйся, завершителю пророческаго в Ветхом завете откровения.
Радуйся, первый возвестителю Евангельскаго в Новом Завете того исполнения.
Радуйся, Архангеле Гаврииле, вечнаго спасения нашего благовестниче.

КОНДАК 8

Странно рожденной от неплодове, Богоотроковице Марии, хранитель от Бога приставлен был еси, Великий Архангеле, и во Храме Божием Сию духовно и телесно питал еси, на всяк день пищу принося Ей и поучая непрестанно пети Богу: АЛЛИЛУИЯ.

ИКОС 8

Весь мир небесный и земный дивится великому служению твоему, Архангеле: в месяц бо шестый по зачатию Великаго Предтечи Христова Иоанна, послан бысть еси в Назарет с таинством от века сокровенным и самим Ангелом неведомым, благовестити, Пречистей Деве Марии Богородице, непостижимое Сына Божия в Ней зачатие. Тем же в похвалу Тебе, яко благовестнику нашего спасения радостно вопием:
Радуйся, совета предвечнаго откровение.
Радуйся, таинства сокровеннаго явление.
Радуйся, светоносный спасительный день благовестившая многосветлая заря.
Радуйся, первый луче восходящего Солнца Правды, Христа Царя.
Радуйся, Божественныя славы Сына Всевышняго возвестителю.
Радуйся, Сладчайшего имени Иисуса, первый возгласителю.
Радуйся, благовестниче Христова Царствия вечнаго.
Радуйся, спасительный утешителю человеческаго рода грешнаго.
Радуйся, Божественныя нашей веры наставниче.
Радуйся, усердный наш ко Господу Спасителю молитвенниче.
Радуйся, хотящим последовати спасения, вышний служителю.
Радуйся, всего рода Христианскаго небесный покровителю.
Радуйся, Архангеле Гаврииле, вечнаго спасения нашего благовестниче.

КОНДАК 9

Все богатство смирения и непорочности являеши, Приснодева смутися о преславнем Архангельстем приветствии и недоумеющи вопросиши тя, благовестниче: «Как будет сие, идеже мужа не знаю ?». Ты же, утверждая Ю, рекл еси: «Дух Святый найдет на Тя , и сила Всевышняго осенит Тя: тем же и рождаемое свято, наречется Сын Божий». Тому убо поклоняющеся, с тобою вопием: АЛЛИЛУИЯ.

ИКОС 9

Вития многовещанныя не доблеют к похвале дивнаго служения твоего, Архангеле. Мы же любовию ненасытною побеждаеми, паки тебе яко благовестнику нашего спасения вопием:
Радуйся, Небесный уме Божественных откровений, светлое зерцало.
Радуйся, отъемляй с духовных очес наших сеновнее закона покрывало.
Радуйся, Всевышняго Царя превышний служителю.
Радуйся, тайны Триипостаснаго Божества Твердый изъяснителю.
Радуйся, истинное вочеловечение Сына Божия возглашаяй.
Радуйся, безмужнее зачатие Приснодевы, нашествием Святаго Духа возвещаяй.
Радуйся, Божественную силу Утешителя извествуяй.
Радуйся, благодатное тем осенение Пречистыя Девы благовествуяй.
Радуйся, кимвали веления Божия возглашаяй.
Радуйся, органе, Божественное смотрение прославляяй.
Радуйся, псалтирь, Божественное снисхождение в нем Сына Божия возвещаяй.
Радуйся, прекрасная гусль Святаго Духа нас утешаяй.
Радуйся, Архангеле Гаврииле, вечнаго спасения нашего благовестниче.

КОНДАК 10

Спасти хотя, в бури недоумения, суще праведнаго Иосифа, обручника Пречистыя Отроковицы, к тому явился еси, Архангеле, уверяя его о Неискусобрачней, яко зачатие у Ней от Духа Святаго есть, и по сих Христу, родшемуся в Вифлееме, благовестил еси сию радость велию пастырем, и со множеством вой небесных воспел еси: «Слава в вышних Богу». Ему же и мы присно вопием: АЛЛИЛУИЯ.

ИКОС 10

Царю Христу, прежде вольнаго страдания молившемуся в Вертограде, явился еси, Архангеле, укрепляя Его, яко человека в подвизе суще. Тем же и нас, немощных Духом, Божественною благодатию укрепи, да радостно в похвалу тебе вопием:
Радуйся, скорый предстателю в беде сущих.
Радуйся, усердный заступниче, упования на тя имущих.
Радуйся, во искушениях сильный помощниче.
Радуйся, противу злых духов крепкий поборниче.
Радуйся, мрак недоумений и смущений от сердец наших прогоняяй.
Радуйся, познанием воли Божией разум наш озаряяй.
Радуйся, в печали сущия утешаяй.
Радуйся, елеем милости Божией сердца скорбных умащаяй.
Радуйся, истиннаго Боговедения ищущих небесный учителю.
Радуйся, жизни благочестивыя неложный известителю.
Радуйся, равноангельскому житию непрестанный возбудителю.
Радуйся, в горнее царство благонадежный водителю.
Радуйся, Архангеле Гаврииле, вечнаго спасения нашего благовестниче.

КОНДАК 11

Пение хвалебное воспевал на небеси с прочими небесными силами Воскресению Христову, и на земли возвеститель того был еси, Архангеле, явився мироносицам при гробе и благовестив тем восстание Христа Живодавца, Его же с тобою прославляюще, вопием: АЛЛИЛУИЯ.

ИКОС 11

Светоподательный светильник откровения Божия, Пречистей Деве Богородице явился еси, Архангеле, и тепле молившейся на горе Елеонстей благовестил еси Ей: яко приближися честное Ея успение и райскую светоносную ветвь подал еси Ей. Сего ради приими от нас сию хвалебную песнь:
Радуйся, славнейший от семи духов, предстоящих престолу Вседержителя.
Радуйся, честнейший на земли слуго, Пречистыя Матери Христа Спасителя.
Радуйся, спасительных откровений Божиих изрядный служителю.
Радуйся, любве милосердия Божия присный благовестителю.
Радуйся, теплыя молитвы к Богу верных на жертвенник небесный возносяяй.
Радуйся, мир и благословение Божие оттуду им приносяяй.
Радуйся, усердный помощниче в добродетельной жизни подвизающихся.
Радуйся, благий утешителю тех ко блаженней кончине приближающихся.
Радуйся, пред престолом небесным Судию праведнаго о нас умоляяй.
Радуйся, суд и правду творящим благость на сердце полагаяй.
Радуйся, яко с верою к тебе молящиеся от вечных мук избавляются.
Радуйся, яко любовь к тебе имущии вечнаго царствия со Ангелы сподобляются.
Радуйся, Архангеле Гаврииле, вечнаго спасения нашего благовестниче.

КОНДАК 12

Благодатныя знамения твоея помощи не токмо в древния, но и в новыя времена являеши, Архангеле, пречестная бо обитель Дохиарская на Святей горе Афонстей, создавши Храм во имя Архангелов, доныне возвещает чудо твое, егда купно со Архистратигом Михаилом, спасл еси благочестиваго послушника, от горькия смерти в пучине морстей, и мы с ним благодарне вопием Богу: АЛЛИЛУИЯ.

ИКОС 12

Воспевая на небеси с прочими безплотными честнейшую Херувим, тому же и нас сущих на земли научаеши. Всечестнейшая бо другая Афонская обитель, именуемая «Достойно есть», именем своим проповедует другое преславное чудо явления твоего, Архангеле, благоговейному послушнику, его же научил еси небесней песни, ко прославлению Богоматери. Сию бо поюще в честь Богородительницы и тебе достойно в похвалу вопием:
Радуйся, небесный обрадователю Матери Преблагословенныя.
Радуйся, невестокрасителю Приснодевы Нетленныя.
Радуйся, небесный Ея воспевателю.
Радуйся, в вечней славе Тоя предстоятелю.
Радуйся, яко и прочия чины Ангельския возбуждаеши воспевати Честнейшую Херувим.
Радуйся, яко нас земнородных научаеши прославити славнейшую Серафим.
Радуйся, ревнующим об ангельстем житии вышний Покровителю.
Радуйся, в молитве к Богу предобрый учителю.
Радуйся, сердца молящихся любовию ко Господу возжигаяй.
Радуйся, фимиам чистых молитв на алтарь небесный возлагаяй.
Радуйся, благодатию умиления молящихся услаждаяй.
Радуйся, в безмолвии их тою утешаяй.
Радуйся, Архангеле Гаврииле, вечнаго спасения нашего благовестниче.

КОНДАК 13

О, Великий Архангеле Гаврииле, сокровеннейших таин Божиих служителю, воплощение Сына Божия прерадостный благовестниче, и нашего спасения усердный споспешниче. Приими от нас недостойных сие хвалебное, благодарственное тебе пение, и умоли Господа даровати нам наследие в вечном Его Царствии, да с тобою непрестанно воспоем Ему: АЛЛИЛУИЯ. ( Сей Кондак читается трижды, затем повторяется Икос 1 и Кондак 2 ).

М О Л И Т В А

О, Святый Архангеле Божий Гаврииле! Присно предстояй престолу Всевышняго, прерадостный благовестниче и усердный споспешниче нашего спасения! Милостиво приими от нас недостойных тебе приносимое сие хвалебное пение. Исправи молитвы наша и яко фимиам, на небесный алтарь кадильный вознеси я. Озари умы наша светом познания таин спасительных веры нашея. Воспламени любовию сердца наша ко Христу Спасителю нашему, обрати и укрепи желания наша на спасительный путь Евангельских заповедей. Да в сем веце тихо и благочестно поживем во славу Божию, в будущем же не лишимся Царствия Божия, еже получити, да сподобимся благодатию Христа Бога нашего, ходатойством Пречистыя Его Матери, Пренепорочной Девы Марии, и твоими многомощными молитвами и да прославим с Тобою и прочими безплотными силами небесными и всеми святыми, Единаго в Троице славимаго Бога, Отца и Сына и Святаго Духа и ныне и присно и во веки веков. Аминь.